Նորություններ
 

«Տարվա լավագույն հասարակական գործիչ»

«ԱՍ» ՄՐՑԱՆԱԿԱԲԱՇԽՈՒԹՅՈՒՆ 2014

Հարգելի հարկ վճարողներ

 «ԱՍ» ՄՐՑԱՆԱԿԱԲԱՇԽՈՒԹՅՈՒՆ 2014 «Տարվա լավագույն հասարակական գործիչ» անվանակարգում ներկայացված է նաև «Հարկ վճարողների պաշտպանություն» հասարակական կազմակերպության ղեկավար Փայլակ Թադևոսյանը:

Մրցանակի արժանանալու շարժառիթը չէ, որ պատճառ է հանդիսացել նման մրցությանը մասնակցելու համար: Կազմակերպության գործունեություն իրականացնելու տեսանկյունից, քվեարկության արդյունքներն էական են համարվելու կազմակերպության կողմից ավելի քան չորս տարի իրականացվող գործունեության գնահատման և կազմակերպության ղեկավարի գործունեության վստահության քվեն գնահատելու համար:

Եթե, այնուամենայնիվ, որոշել եք Ձեր վստահության քվեն տալ «Հարկ վճարողների պաշտպանություն» հասարակական կազմակերպության ղեկավար Փայլակ Թադևոսյանին, կարող եք քվեարկել հետևյալ հղմամբ՝ http://p-as.am/4435/phaylak-thadevosyan

 

ՀՀ կառավարության նոր «Նախաձեռնությունը» Հղիության  և ծննդաբերության նպաստի չափի մինչև 60 տոկոս նվազեցման մասին

ՀՀ կառավարության 2014 թվականի սեպտեմբերի 25-ի նիստում ՀՀ կառավարությունը հավանության արժանացրեց «Ժամանակավոր անաշխատունակության նպաստների մասին» Հայաստանի Հանրապետության օրենքում լրացումներ և փոփոխություններ կատարելու մասին» և «Պետական նպաստների մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքների նախագծերը (օրակարգի 27-րդ հարց, տես հղումը՝ https://www.e-gov.am/sessions/archive/2014/09/25/): Նշված նախագծերի մասով ՀՀ կառավարության պաշտոնական կայքում տեղ գտած հաղորդագրությունը շատ հպանցիկ էր. «ՀՀ կառավարությունը հավանություն է տվել սոցիալական ոլորտի նախագծերին և դրանք «ՀՀ 2015թ. պետբյուջեի մասին» ՀՀ օրենքի նախագծի կազմում կներկայացնի ՀՀ Ազգային ժողով (աղբյուր՝ ՀՀ կառավարության պաշտոնական կայք, տես հղումը՝ http://gov.am/am/news/item/11564/):

Նշված նախագծերը մշակվել են ՀՀ աշխատանքի և սոցիալական հարցերի նախարարության կողմից: Փորձեցինք նշված նախագծերի վերաբերյալ որևէ տեղեկատվություն ստանալ նախարարության պաշտոնական կայքից, սակայն այդ նախագծերը կայքում բացակայում են: Նշված նախագծերով ամբողջությամբ վերանայվում է հղիության և ծննդաբերության նպաստի չափը՝ փոխկապակցելով աշխատանքային ստաժի տևողության հետ, միաժամանակ այն վերանվանելով «մայրության նպաստի»: Հղիության և ծննդաբերության նպաստի չափը նախատեսվում է նվազեցնել մինչև 60 տոկոսով: Ընդ որում, հետաքրքրական այն է, որ ՀՀ աշխատանքի և սոցիալական հարցերի նախարարությունն արդեն կարծես ավանդույթ է դարձրել անվանափոխումների մոտեցումը: Հիշենք եկամտահարկի և սոցիալական ապահովության պարտադիր վճարների միասնականացումը մեկ անվան տակ՝ եկամտային հարկ, իսկ հետագայում ավելացավ նորից այլ վճարատեսակ:

Հետաքրքիր է նախագծերի հիմնավորող տեղեկանքում նպաստի չափի նվազեցման հիմնավորումը. «Հաշվի առնելով ժամանակավոր անաշխատունակության նպաստների ոլորտում առկա խնդիրները, առաջարկվում է,........»: Միթե հանրությանը հետաքրքրող այս կարևոր փոփոխությունը նման ձևով պետք է հիմնավորվեր: Սա ինչ մոտեցում է: Կամ այդ ինչ խնդիրներ են, որ չեք կարող ասել կամ շարադրել:

Միանգամից հարց է առաջանում, թե ինչի համար է անհրաժեշտ ՀՀ կառավարության ծրագրի գոյությունը, եթե հաստատված և ՀՀ Ազգային ժողովի կողմից հավանության արժանացած ծրագրում հղիության և ծննդաբերության նպաստի չափի կրճատման մասին ոչինչ ասված չէ («2.4.1. Սոցիալական պաշտպանության քաղաքականությունը» բաժին, էջ 44-48, ՀՀ կառավարության ծրագիր 2014թ, աղբյուր՝ ՀՀ կառավարության պաշտոնական կայք, տես հղումը՝ http://www.gov.am/files/docs/1321.pdf): Թե ՀՀ կառավարության ծրագրի կազմումը ինքնանպատակ է, հետո ով ինչ ուզի, կանի:

«Շրջանառության հարկի մասին» ՀՀ օրենքի հոկտեմբերի 1-ից ուժի մեջ մտնելու հետ կապված խնդիրները դեռ չլուծած, կարծես թե հերթական անգամ, նոր խնդիրներ են ստեղծում ՀՀ վարչապետի համար: Պարզ է մի բան, որ օրենքի ընդունումից հետո էլի մեղավորը ՀՀ Ազգային ժողովի պատգամավորներն են լինելու՝ իրենց քվեարկության արդյունքներով:

Տես՝ նախագծերը և հիմնավորող տեղեկանքը:

Շարունակելի.......

 


JPAGE_CURRENT_OF_TOTAL

Հարցում

Տարածել

Նորություններ

էլեկտրոնային համակարգի (e-invoicing) խնդիրների վերացման հարկային մարմնի խոստումները հարկ վճարողները լուրջ չեն ընդունում Արդեն ...

Հարկային օրենսգիրք՝ ծննդաբերությանը նպաստող, թե խոչընդոտող կամ ինչու՞ է ՀՀ կառավարությունը տարիներ շարունակ պակասեցնում ...

Հարկային օրենսգրքի նախագծի «Հարկային հսկողություն» բաժնի  վերաբերյալ Հոդված 356 Հոդվածի 1-ին մասում ներառել նաև այլ  ...

Հարկային օրենսգրքի նախագծի անուղղակի եղանակներով հարկային պարտավորությունների հաշվարկման կարգի վերաբերյալ Հոդված 377 ...

Հարկային օրենսգրքի նախագծի «Հարկային պարտավորությունների կատարման ապահովում» բաժնի վերաբերյալ Հոդված 449 1.          ...